Janun ko zabt sikha loon
Home » Romantic Shayari » Janun ko zabt sikha loonJanun ko zabt sikha loon to phir chaley jana
mein apna aap sanbhaa loon to phir chaley jana
usi tarah hai abhi tishnagi in aankhon mein
mein in ki piyas bujha loon to phir chaley jana
dil ko ye waham k tum laut ker na aao ge
ye waham dil se nikaaloon to phir chaley jana
bayaz-e-dil peh jo utri hai surat-e-ilham
wo ghazal tum ko suna loon to phir chaley jana
nisaar hotey hain shama peh kesey perwaney
yeh jashan tum ko dikha loon to phir chaley jana.
